Pages

Ads 468x60px

..

Thursday, July 19, 2012

വ്രത വിശുദ്ധിയില്‍ ....


__________
(Image -courtesy :google)

ആത്മാവിനന്നമിതാദ്യന്ത ജന്‍മപുണ്യം.
ആകാശം മുത്തും ഹൃദന്തമതില്‍ 
പൂക്കുന്നൊരു യുഗവസന്തം.

അരുളായുദിച്ച പൊരുളിന്‍ 
സാരസൂക്തങ്ങള്‍ പെയ്തതിവിടം.
കടമകള്‍ മുറിവേറ്റു വിങ്ങും 
കരളുകള്‍ക്കാശ്വാസ സാന്ത്വനക്കുളിരും.

ഒന്നിനേഴല്ലെഴുപതിനായിരം മേനി കൊയ്യു -
മനന്യ സുഫല മാത്രകള്‍ ....

നരകപ്പഴുതുകള്‍ മുറ്റുമടച്ചിടുമവിടെ -
സ്വര്‍ഗകവാടങ്ങള്‍ മലര്‍ക്കെ തുറന്നിടും.

സാദരസ്ഥാനങ്ങളൊരുക്കിത്തുണക്കും,ദിവ്യ -
സാത്വികനിഷ്ഠകള്‍ സാര്‍ഥകമാവുകില്‍ .

വാന - ഭുവന സംഗമ രാവൊന്നതില്‍ ,തൂമ -
തൂകിപ്പുണരുമൊരായിരം പൂനിലാമുത്തങ്ങള്‍ !

നേരിനക്ഷര ജ്യോതിസ്സുലകിനായി കനിഞ്ഞ 
പരമകാരുണ്യപ്പെയ്ത്തിന്‍  ധന്യവേളകള്‍ ...

വിളക്കു കയ്യില്‍ വെച്ചിരുട്ടില്‍ തപ്പിത്തടയും
'ജളബുദ്ധികള്‍ 'ക്കിതൊരായുഷ്ക്കാല നഷ്ട സന്ധിയും !!

പറുദീസ-അല്ല,യെന്നരികിലെന്‍ ജീവനാഡിപോല്‍ 
കണ്ണായി വന്നിട്ടുമൊരു കണ്ണും കാണാത്തൊരാ -
പ്രാണസ്വരൂപനെ നിറകണ്ണാല്‍ കണ്ടെന്‍ 
സുകൃതം കുളിരുകില്‍ -ഹാ,സഫലമീജീവിതം ....!

***********

8 comments:

  1. ഭക്തിസാന്ദ്രമായ വരികള്‍ .ഓരോ അക്ഷരാര്‍ത്ഥത്തിലും അറിവിന്‍ പൊരുളുകള്‍ .ഈ വെളിച്ചം അകക്കണ്ണിനെന്നും നേര്‍വഴി കാണിക്കട്ടെ.പുണ്യമാസത്തിന്റെ പവിത്രതയാല്‍ സര്‍വ്വമനസ്സുകളിലും മനുഷ്യത്വം പുനര്‍ജ്ജനിക്കട്ടെ..സ്നേഹാശംസകളോടെ..

    ReplyDelete
  2. പുണ്യമാസം വ്രതവിശുദ്ധിയിലും മാനുഷികതയിലും നിറയട്ടെ... ചുറ്റും സ്നേഹവും സമാധാനവും പടരട്ടെ...!

    ReplyDelete
  3. റമദാന്‍ കരീം

    ReplyDelete
  4. സഫലമീ ജീവിതം..... റമദാൻ കരീം

    ReplyDelete
  5. പറുദീസ-അല്ല,യെന്നരികിലെന്‍ ജീവനാഡിപോല്‍
    കണ്ണായി വന്നിട്ടുമൊരു കണ്ണും കാണാത്തൊരാ -
    പ്രാണസ്വരൂപനെ നിറകണ്ണാല്‍ കണ്ടെന്‍
    സുകൃതം കുളിരുകില്‍ -ഹാ,സഫലമീജീവിതം ....!
    റംസാന്‍ മുബാറക് ഇക്കാ...
    http://kannurpassenger.blogspot.in/2012/07/blog-post_19.html..

    ReplyDelete
  6. നല്ല വരികൾക്ക് നമസ്കാരം

    ReplyDelete
  7. റംസാന്‍ ആശംസകള്‍ ഇക്കാ....

    ReplyDelete
  8. പ്രിയപ്പെട്ട ആറങ്ങോട്ടുകര മുഹമ്മദ്‌,കുഞ്ഞൂസ്,ajith,sumesh vasu,ഫിറോസ്,ചന്തു നായര്‍ ,Absar.....എന്റെ പ്രിയസുഹൃത്തുക്കള്‍ എല്ലാവര്‍ക്കും ഹൃദയം നിറഞ്ഞ നന്ദി...

    ReplyDelete

വായിച്ചുവെങ്കില്‍ നിങ്ങളുടെ പ്രതികരണം മുകളില്‍
****************************************************************
കുറിക്കുമല്ലോ?
******************

Google+ Badge

Enter your email address:

Delivered by FeedBurner

Subscribe to ഒരിറ്റ് by Email