വായന

ഒന്നാം പേജില്‍ നിന്നും

തുടങ്ങിയതാണ്‌,വായന.

തിരിച്ചു ലഭിക്കാത്ത താളുകള്‍

മറിച്ചിടുന്നു,കാലം -

ചിലപ്പോളാകെ താളം തെറ്റിച്ചുലച്ചു

തീരേ വെറുപ്പിച്ചും,

ചിലപ്പോള്‍ -

സാന്ദ്രമാം നീലജലാശയത്തില്‍

ചെറുകാറ്റിന്നിളം ഞൊറികള്‍ പോല്‍

തൊട്ടും തലോടിയുമേറെ കൊതിപ്പിച്ചും........!!

അവസാനപ്പേജിന്നവസാന വാക്കിന്‍

പൊരുളറിയും വരെ,

നേരായി വായിച്ചു പഠിക്കണമെന്നുണ്ട്-

ജീവിതം ...........

"ഒരുവനെ"ങ്കിലും

വായിച്ചെടുത്തുവെങ്കിലോ,എന്നെ.......!!!

******

                                                                        (പ്രബോധനം )

                                                                       _____________

ചിത്രം -ഗൂഗിള്‍

____________