"ന്‍റെപ്പൂപ്പാക്കൊരാനണ്ടാര്‍ന്നു......"

മലപ്പുറം ജില്ലയിലെ ഇരിമ്പിളിയം എന്ന ഗ്രാമം 

വൈദ്യന്മാരുടെ നാടയിട്ടാണ് അറിയപ്പെടുനത്.

ഈ പേരിനു നിമിത്തമായത് രണ്ടു തറവാട്ടുകരാണെന്നു

കാണാതിരിക്കാനാവില്ല.....!.ഒന്ന്- നീണ്ട്രതൊടി.രണ്ട്-പെരിങ്ങാട്ടു 

തൊടി.

    തുടക്കത്തില്‍ നീണ്ട്രതൊടിക്കാണ് ആയുര്‍വേദ വൈദ്യ 

രംഗത്ത് അതിപ്രശസ്ത പാരമ്പര്യം നില നിന്നിരുന്നുവെങ്കില്‍ 

ഇന്നവര്‍ 'ന്‍റെപ്പൂപ്പാക്കൊരാനണ്ടാര്‍ന്നു' എന്ന ബഷീര്‍ ശൈലി 

പോലെയായി.......ഇപ്പോള്‍ ഈ രംഗത്തു ഒരുവിധം പിടിച്ചു നില്‍ക്കുന്നത് 

പെരിങ്ങാട്ടുതൊടിക്കാരാണ്.

ചരിത്രമറിയുന്നവര്‍ പലരും ഇന്നും  ജീവിച്ചിരിപ്പുണ്ട്.എന്‍റെ പിതാവ് 

തന്നെ ഉദാഹരണം. ആ 'നല്ല കാലം' പലപ്പോഴും ഞങ്ങള്‍ക്കു മുമ്പില്‍ ഉപ്പ 

അയവിറക്കാറുണ്ട് ..........അപ്പോഴെല്ലാം ഇതൊരു ചരിത്ര രേഖയായി 

എഴുതി വക്കണമെന്ന് പലപ്പോഴും തോന്നിയിരുന്നുവെങ്കിലും സാഹസമാണ് 

എന്നത് കൊണ്ട് മിനക്കെട്ടില്ല. പിന്നെ , എന്തിന് എന്ന ചോദ്യ ചിഹ്നം മുന്നില്‍ 

ഫണമുയര്‍ത്തുകയും ചെയ്യും....കുലമഹിമകളല്ലല്ലോ ജീവിത വിജയത്തിനു 

അടിസ്ഥാനമാകുന്നത്. 

എനിക്കിവിടെ അഭിമാന പൂര്‍വ്വം എടുത്തു പറയാനുള്ളത് ജമാഅത്തെ

ഇസ്‌ലാമിയുടെ പ്രശസ്തരായ രണ്ടു നേതാക്കള്‍ (മര്‍ഹൂം അബ്ദുല്‍ അഹദ് 

തങ്ങളും,

                                                                    അബ്ദുല്‍ അഹദ് തങ്ങള്‍

മര്‍ഹൂം അബുല്‍ജലാല്‍ മൗലവിയും)

                                                                  അബുല്‍ജലാല്‍ മൗലവി
ഈ തറവാട്ടിലെ മരുമക്കളാ

യിരുന്നുവെന്നതാണ്‌.കേരള ജമാഅത്തിനു ബീജവാപം ചെയ്ത ഹാജി സാഹിബിനും 

ഈ തറവാടുമായി അഭേദ്യമായ കുടുംബ ബന്ധം ഉണ്ടായിരുന്നതായി 

അറിയുന്നു.........പ്രശസ്ത പണ്ഡിതനും പത്ര പ്രവര്‍ത്തകനും രാഷ്ട്രീയ മീമാംസകാനും  നിരവധി ഗ്രന്ഥങ്ങളുടെ രചയിതാവും  എഴുത്തുകാരനുമായിരുന്ന മര്‍ഹൂം കെ.സി .കോമുക്കുട്ടി 

മൗലവിയും ഇവിടുത്തെ മരുമകനാണ്.അദ്ദേഹം ഒളവട്ടൂരിലെ
പ്രശസ്തവും സമ്പന്നവുമായ കുടുംബാംഗമാണ് ....(ഗൂഗിള്‍ 
രേഖകള്‍ കാണുക ) 

(ഹാജി സാഹിബ് എന്ന വി.പി.മുഹമ്മദലി സാഹിബ്‌ ,പൂക്കാട്ടിരി )

പ്രതാപ കാലത്ത്  ഹൈദര്‍ വൈദ്യര്‍  എന്ന പ്രശസ്ത ഭിഷ്വഗ്വരനായിരുന്നു 

നീണ്ട്രതൊടിയുടെ നെടുംതൂണ്‍...(പള്ളിക്കര നീണ്ട്രതൊടി ഹൈദര്‍ വൈദ്യര്‍ ).

എന്തുകൊണ്ടും സമ്പന്നവും പ്രബലവുമായിരുന്നു അക്കാലം.

ഹൈദരിയ്യാ വൈദ്യശാലയും ലിത്തോ പ്രസ്സും പബ്ലിഷിംഗ് ഹൗസുമായിരുന്നു   ഏറ്റവും പ്രഫുല്ലവും പ്രശോഭിതവുമായി നിലനിന്നിരുന്ന 

സ്ഥാപനങ്ങള്‍ . സ്വദേശത്തും വിദേശത്തും പ്രശസ്തമായ ഇവിടെ നിന്നും മലേഷ്യ,സിങ്കപ്പൂര്‍ 

തുടങ്ങിയ വിദേശ രാജ്യങ്ങളിലേക്ക് മരുന്നുകള്‍ കയറ്റി അയച്ചിരുന്നു.

അക്കാലത്ത് വൈജ്ഞാനിക രംഗത്തും  ബദ്ധശ്രദ്ധനായിരുന്ന ഉപ്പൂപ്പ  പണികഴിപ്പിച്ച സ്കൂളാണ് 

ഹൈദരിയ്യാ പ്രൈമറി സ്കൂള്‍.പലതും അന്യാധീനപ്പെട്ട പോലെ ഈ സ്കൂളും മറു കൈകളിലെത്തി.

ഇന്നത്‌ അയ്യൂബ് സ്കൂള്‍ എന്ന പേരില്‍ അറിയപ്പെടുന്നു.......എന്‍റെ പ്രാഥമിക വിദ്യാഭ്യാസം 

ഈ സ്കൂളിലാണ്.

ഇരിമ്പിളിയം 'മോസ്കോ കുരമുഖം' പള്ളിയും പട്ടാമ്പിക്കടുത്ത് കാരമ്പത്തൂര്‍ പള്ളിയും 

ഉപ്പൂപ്പ പണി കഴിപ്പിച്ചതാണ്‌.......

          ഇവിടെ ഞാന്‍ കുറിച്ചിട്ട ഈ വരികളില്‍ എന്തെങ്കിലും തെറ്റുകളോ ഭേദഗതികളോ

ഉണ്ടെന്നു അറിവുള്ളവര്‍ അറിയിയിച്ചാല്‍ സന്തോഷപൂര്‍വ്വം തിരുത്തുന്നതാണ്. ഇതൊരു ആധികാരിക 

രേഖയെന്ന അവകാശവാദവുമില്ല.

____________

(യാദൃഛികമാവാം ആദ്യമായി എനിക്ക് P.S.C-Appointment
ലഭിച്ചത് ഒളവട്ടൂരിലെ G.L.P.Scool,Thadaththilparampa ആയിരുന്നു.)
*************

കെ.സി.കോമുക്കുട്ടി മൗലവി എന്ന മഹാ പണ്ഡിതനെക്കുറിച്ചു ഗൂഗ്ള്‍

പരതിയപ്പോള്‍ കിട്ടിയ രേഖകള്‍ വല്ലാത്ത അത്ഭുതവും 

കൗതുകവുമുണ്ടാക്കി  .അതിവിടെ -

    

**************************

(ഇതിലെ ഫോട്ടോകളും മറ്റു രേഖാ കുറിപ്പുകളും ഗൂഗിളില്‍ നിന്ന് )