ധാര്‍മ്മികം

-കടപ്പാട് >ഗൂഗ്ള്‍

ധര്‍മ്മഗാത്രം തല്ലിച്ചതച്ച-

ധര്‍മ്മം ,ദ്വിഗ്ജയ ഘോഷംമുഴക്കി 

ധരണി തന്‍ ചാരിത്ര്യം കീറിപ്പറി-

ച്ചുന്മാദ നൃത്തം ചവിട്ടിത്തിമിര്‍ക്കവേ,

ഭൂതപ്പിശാചുക്കളായിരമായിര-

മാര്‍ത്തു ചിരിച്ചു,ഹസിക്കുന്നു സന്തതം !

പാപത്തിന്‍ പാതാളഗര്‍ത്തത്തില്‍ വീണിടും

പാവം മനുഷ്യരാര്‍ദ്രമായി കേഴവേ,

ശാന്തിഗീതമോതി കരേറ്റാന്‍ ശ്രമിപ്പവര്‍ 

സാത്വികരെന്നാല്‍ ,'ഫണ്ടമെന്റലിസ്റ്റാ'ണു പോല്‍ !!

ആട്ടിനെ ,പട്ടി-പേപ്പട്ടിയെന്നുച്ചത്തിലുരുവി-

ട്ടാട്ടിക്കൊല്ലും ക്രൂരമര്‍ത്യര്‍ - പിശാചുക്കള്‍ !!

നാട്ടിനെ താങ്ങാന്‍ 'നാട്ടി 'നിര്‍ത്തിയോര്‍ 

കാട്ടു നീതിക്കു 'ടിപ്പണി ' തേടുന്നവര്‍ !!

'കുട്ടിപ്പിശാചിനെ'പ്പോലും  ചാരേ കൂട്ടാഞ്ഞാ-

ലാട്ടിയോടിക്കാമേത് പോത്തനാം 'ചാത്ത'നേം.

ഈശനവനേകനെ കൈ വിട്ടീടുമവിടെ 'സീറ്റു'

കയ്യേറി വാണിടും സാത്താന്മാര്‍ .......!!!