തീ ചോദ്യങ്ങള്‍ !!

_____ചിത്രം ഗൂഗ്ള്‍_____

രുചിഭേദങ്ങളിലെ-

പരാതിപ്പാത്രങ്ങള്‍ പരസ്പരം 

തട്ടിമറിഞ്ഞുടയവേ,

മുറിഞ്ഞകലുന്നു വിശപ്പിന്റെ-

രസച്ചരടുകള്‍ 

സുകൃതങ്ങളുടെ പ്രണയവിരുന്നുകളില്‍..- .

വിഭവക്കൂമ്പാരങ്ങള്‍ക്കു മുമ്പില്‍ 

തലപൂഴ്ത്തുന്നവന്റെ 

എച്ചിലിലകള്‍ക്ക്,വാലാട്ടി നില്പുണ്ടപ്പോഴും 

തെരുവിന്റെ 'മക്കള്‍'.......!!

മടുപ്പേറ്റുന്ന നിറവുകളുടെ 

ഏമ്പക്കങ്ങളില്‍ 

വഴുതിവീഴുന്ന 'വറ്റു'കള്‍ 

ഒട്ടിയ വയറുകളുടെ-

'യുദ്ധോല്‍സവ'ക്കാഴ്ചകള്‍....!!഍഍഍ ഍...

പുര പുകയ്ക്കുന്ന സ്വപ്‌നങ്ങള്‍ 

ചിതലരിച്ച മണ്‍കോലങ്ങളായി,

തിളച്ചുമറിയുന്ന നെടുവീര്‍പ്പുകളില്‍ 

ഭഗ്നമോഹങ്ങള്‍ക്ക് ശവപ്പുടവ തുന്നവേ,

മുത്തേ,പൊന്നേ,യോമനേയെന്ന

പൊങ്ങച്ചങ്ങളുടെ 'മദിരോത്സവ'ങ്ങളില്‍ 

മഞ്ഞളിക്കുന്നുണ്ട് കാഴ്ചകള്‍ 

മലമറിച്ച്,മനം മറച്ച്...........!!

ഒട്ടകത്തിന്റെ മലദ്വാരത്തില്‍

കത്തിക്കാളുന്ന ക്ഷുത്തിന്റെ കരുവാളിച്ചയിളം,

ചുണ്ടുകള്‍, വാലുമാറ്റി വാ ചേര്‍ത്തൊട്ടിച്ചു

ആര്‍ത്തിയോടെ പ്രതീക്ഷകൊടുക്കുന്ന നിഴല്‍ രൂപം, *

കൊടുമയുടെ ജീവനീരിറ്റിനു 

കെട്ടിനാറും ചെളിവെള്ളക്കുഴിയിലേക്ക്

ഏന്തിവലിയുന്ന പിഞ്ചുദാഹത്തിന്റെ

വെന്തു നീറും കനല്‍ തിളക്കം,

മാനുഷ്യകത്തിന്റെ എതിര്‍മുഖങ്ങളായി 

എന്റെയും നിന്റെയും മുന്നില്‍ -

ഒരായിരം തീചോദ്യങ്ങളില്‍ 

കനവുരുക്കി.....കരളുരുക്കി.....!!!

___________________________

(*മുകളിലെ വീഡിയോവില്‍ ഈ ദൃശ്യം കാണാം .ഈ വരികള്‍ക്ക് പ്രചോദനം അതാണ്‌ )

****

***

**

*